Azərbaycan pomidor ixracından gəlirini cüzi artırıb

Bu ilin yanvar-may aylarında Azərbaycan 91,5 milyon ABŞ dolları dəyərində pomidor ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın iyun sayında bildirilir.

İcmala əsasən, bu, ötən ilin 5 ayı ilə müqayisədə 0,5 milyon ABŞ dolları və yaxud 0,55 % çoxdur.

Təkcə mayda isə Azərbaycan 37,3 milyon ABŞ dolları dəyərində pomidor ixrac edib. Bu isə 1 il əvvələ nisbətən 4,5 milyon ABŞ dolları və yaxud 13,7 % çoxdur.

5 ay ərzində Azərbaycanın ümumi ixracının dəyəri 16,1 milyard ABŞ dolları, qeyri-neft sektoru üzrə ixracının dəyəri isə 1,5 milyard ABŞ dolları təşkil edib.