Azərbaycan pambıq mahlıcı ixracından gəlirini 55 % artırıb

ASK

28 fevral, 2022
12:09

Azərbaycan pambıq mahlıcı ixracından gəlirini 55 % artırıb

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bu ilin yanvar ayında Azərbaycan 22,2 milyon ABŞ dolları dəyərində pambıq mahlıcı ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın fevral sayında bildirilir.

Məlumata görə, bu, ötən ilin eyni dövrü ilə müqayisədə 7,9 milyon ABŞ dolları və yaxud 55,2 % çoxdur.

2022-ci ilin yanvar ayı ərzində Azərbaycanın ixracı 3,1 milyard ABŞ dolları, qeyri-neft sektoru üzrə 232,2 milyon ABŞ dolları təşkil edib. Qeyri-neft sektoru üzrə ixrac 2021-ci ilin ilk ayı ilə müqayisədə 86,2 milyon ABŞ dolları və ya 59 % artıb.

2022-ci ilin yanvar ayında ixrac edilən qeyri-neft sektoruna aid malların siyahısında pambıq mahlıcı birinci yerdə qərarlaşıb.