Azərbaycan Özbəkistan və İrana nar ixrac etməyə başlayıb

Ötən il Azərbaycan 30,64 milyon ABŞ dolları dəyərində 28 min 628 ton nar ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 3 % azdır, kəmiyyət olaraq – 23 % çoxdur.

Hesabat dövründə Azərbaycan Rusiyaya 27,43 milyon ABŞ dolları dəyərində (bir il əvvəlki göstəricidən 8 % azdır) 24 min 313 ton (+23 %), Ukraynaya 1,6 milyon ABŞ dolları dəyərində (+66 %) 1 min 764 ton (-9 %), Gürcüstana 900 min ABŞ dolları dəyərində (+2,3 dəfə) 1 min 671 ton (+63 %), Belarusa 352 min ABŞ dolları dəyərində (-8 %) 369 ton (-7 %), Qazaxıstana 333 min ABŞ dolları dəyərində (+5 dəfə) 441 ton (+3,4 dəfə) məhsul satıb.

Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq İrana (2,1 min ABŞ dolları dəyərində 2,7 ton) və Özbəkistana (12 min ABŞ dolları dəyərində 5,4 ton) tədarük həyata keçirilib.

2022-ci ildə Azərbaycandan (9 ölkəyə) ixrac edilmiş 23 min 335 ton narın 85 %-i Rusiyanın payına düşüb.