Azərbaycan Kuzbassdan 130 ton buğda unu alıb

Bu ilin əvvəlindən Azərbaycan Rusiyanın Kuzbass bölgəsindən 130 ton buğda unu idxal edib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, il ərzində Kuzbassdan ümumilikdə 42,1 min ton taxıl və taxıl emalı məhsulları ixrac edilib ki, bu da, 2023-cü ilin eyni dövrü ilə müqayisədə 33,5 % çoxdur.

Hesabat dövründə bölgənin əsas idxalçısı Belarus (16,3 min ton), Çin (14,8 min ton) və Qazaxıstan (5,9 min ton) olub.

İxrac edilən mallar laboratoriyada yoxlanılıb və idxalçı ölkələrin tələblərinə cavab verib. Məhsullara ümumilikdə 1 025 fitosanitar sertifikatı verilib.