Azərbaycan kənd təsərrüfatı xərclərini 2 %-dən çox azaldıb

Bu ilin I rübündə Azərbaycanın dövlət büdcəsində kənd təsərrüfatı üzrə xərclər 138,9 % və yaxud 334,5 milyon manat səviyyəsində icra olunub.

"Report" bu barədə Maliyyə Nazirliyinə istinadən xəbər verir.

Bu, 2024-cü ilin eyni dövrü ilə müqayisədə 2,2 % və yaxud 7,5 milyon manat azdır.

Hesabat dövründə kənd təsərrüfatı xərcləri faktiki büdcə xərclərinin 4,1 %-ni təşkil edib.

Xatırladaq ki, bu ilin dövlət büdcəsindən kənd təsərrüfatı sektoruna 1 milyard 203,806 milyon manat ayrılması nəzərə tutulub.