Azərbaycan iyulda albalı və gilas ixracından gəlirini 5 dəfə artırıb

Bu ilin iyul ayında Azərbaycan 7,4 milyon ABŞ dolları dəyərində albalı və gilas ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın avqust sayında bildirilir.

Sənədə əsasən, bu, ötən ilin iyul ayı ilə müqayisədə 5,8 milyon ABŞ dolları və yaxud 4,6 dəfə çoxdur.

2022-ci ilin yanvar-iyul aylarında isə Azərbaycan 41,6 milyon ABŞ dolları dəyərində albalı və gilas ixrac edib ki, bu da 2021-ci ilin 7 aylıq göstəriciləri ilə müqayisədə 10,5 milyon ABŞ dolları və yaxud 33,8 % çoxdur.

Hesabat dövründə Azərbaycanın ümumi ixracının dəyəri 22,6 milyard ABŞ dolları, qeyri-neft sektoru üzrə ixracının dəyəri isə 1,7 milyard ABŞ dolları təşkil edib.