Azərbaycan Gürcüstana albalı və gilas satışını bərpa edib

Bu ilin yanvar-may aylarında Azərbaycan 1,4 milyon ABŞ dolları dəyərində 1 405 ton albalı və gilas ixrac edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2024-cü ilin eyni dövrünün göstəricisindən dəyər ifadəsində 7 %, kəmiyyət olaraq – 35 % çoxdur.

Hesabat dövründə Azərbaycan Rusiyaya 1,37 milyon ABŞ dolları dəyərində (bir il əvvəlki göstəricidən 5 % çox) 1 371 ton (+32 %), Qazaxıstana 14,22 min ABŞ dolları dəyərində (+3 dəfə) 17 ton (+4 dəfə), Gürcüstana 13,49 min ABŞ dolları dəyərində 15,85 ton və Birləşmiş Ərəb Əmirliklərinə (BƏƏ) 0,02 min ABŞ dolları dəyərində (-93 %) 0,03 ton (+3 dəfə) məhsul satıb.

Azərbaycan 7 il 10 aylıq fasilənin ardından Gürcüstana tədarükü bərpa edib.