Azərbaycan əsas tədarük bazarından buğda idxalını kəskin artırıb

Bu ilin ilk ayında Azərbaycana xaricdən 43,423 milyon ABŞ dolları dəyərində 142 min 656 ton buğda (toxumluqdan başqa) gətirilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 34 %, kəmiyyət olaraq – 52,2 % çoxdur.

Hesabat dövründə Azərbaycan Rusiyadan 28,225 milyon ABŞ dolları dəyərində (bir il əvvəlki göstəricidən 69 % çoxdur) 99 min 88 ton (+2,1 dəfə) və Qazaxıstandan 15,198 milyon ABŞ dolları dəyərində (-3,4 %) 43 min 567 ton (-7,2 %) məhsul alıb.

Qeyd edək ki, 2022-ci ildə Azərbaycana idxal edilən (3 ölkədən) 1 milyon 289 min ton buğdanın 78,2 %-i Rusiyanın payına düşüb.