Azərbaycan daha bir ölkədən albalı və gilas tədarük etməyə başlayıb

Bu ilin yanvar-aprel aylarında Azərbaycan 8 min ABŞ dolları dəyərində 1 ton albalı və gilas idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2023-cü ilin eyni dövrünün göstəricisindən dəyər ifadəsində 6 dəfə, kəmiyyət olaraq – 6 dəfə çoxdur.

Hesabat dövründə Azərbaycan Çilidən 6,11 min ABŞ dolları dəyərində 0,76 ton (bir il əvvəl tədarük olmayıb), Argentinadan 1 min ABŞ dolları dəyərində (bir il əvvəlki göstəricidən 29 % azdır) 0,12 ton (-30 %) və Malayziyadan 0,90 min ABŞ dolları dəyərində 0,06 ton məhsul satıb.

Bu il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Malayziyadan tədarük həyata keçirilib.