Azərbaycan Belarusa çiyələk ixracını kəskin artırıb

Bu ilin yanvar-aprel aylarında Azərbaycan xarici ölkələrə 4,56 milyon ABŞ dolları dəyərində 2 min 947 ton çiyələk və bağ çiyələyi (təzə) ixrac edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrünün göstəricisindən dəyər ifadəsində 67 %, kəmiyyət olaraq – 53 % çoxdur.

Hesabat dövründə Azərbaycan Rusiyaya 4,28 milyon ABŞ dolları dəyərində (bir il əvvəlki göstəricidən 77 % çoxdur) 2 min 802 ton (+64 %), Qazaxıstana 203,57 min ABŞ dolları dəyərində (-27 %) 125,59 ton (-41 %) və Belarusa 67,82 min ABŞ dolları dəyərində (+3,6 dəfə) 19,21 ton (+3,5 %) məhsul satıb.

2023-cü ildə Azərbaycandan 4 ölkəyə ixrac edilmiş 18 min 748 ton çiyələyin 97 %-i Rusiyanın payına düşüb.