Yuxarı
    Bağlamaq

    Astarada bu il taxıl terminalının inşası planlaşdırılır

    AzRusTrans şirkəti tutumu 30-60 min ton olan taxıl terminalı tikmək niyyətindədir

    Bakı. 26 aprel. REPORT.AZ/ Bu il ərzində Astara (Azərbaycan) - Astara (İran) dəmiryolu layihəsi çərçivəsində tutumu 30 min tondan 60 min tonadək olan taxıl terminalının tikintisi planlaşdırılır.

    Bunu "Report"a açıqlamasında "AzRusTrans" şirkətinin baş direktoru Cavid Quliyev bildirib.

    C.Quliyevin sözlərinə görə, hazırda bu layihə işlənib hazırlanma mərhələsindədir.

    "AzRusTrans" şirkəti Astarada müəyyən torpaq sahəsi icarəyə götürərək, taxıl və taxıl məhsullarının saxlanılması üçün nəzərdə tutulan terminalın tikintisini həyata keçirəcək. Tikintinin bu il ərzində həyata keçirilməsi planlaşdırılır. Orada bir neçə fazanın olması nəzərdə tutulub. Tutumu 30-60 min ton olan taxıl terminalının quraşdırılması nəzərdə tutulub. Müəyyən müddətdən sonra isə terminalın həcmi böyüdüləcək", - deyə C.Quliyev qeyd edib.

    C.Quliyev əlavə edib ki, qeyd edilən marşruta böyük tələbat var: "Astara-Astara marşrutu üzrə icrası yekunlaşdırılmalı olan işlərin qısa müddətdə bitməsini istəyirik. Bu, müştərilərimizə qısa müddətdə konkret təkliflər təqdim etməyimizə imkan verə bilər".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi