Aqrar Xidmətlər Agentliyi tərəfindən göstərilən xidmətlər təsdiqləndi

Kənd Təsərrüfatı Nairliyinin müvafiq qərarına əsasən, Aqrar Xidmətlər Agentliyi (AXA) tərəfindən regionlarda Dövlət Aqrar İnkişaf Mərkəzləri (DAİM) vasitəsilə göstərilən xidmətlərin siyahısı və reqlamentləri təsdiq olunub və Dövlət Xidmətləri Portalına inteqrasiya edilib.

“Report” bu barədə quruma istinadən xəbər verir.

Məlumata görə, baytarlıq xidməti sahəsində 8, fitosanitar xidməti sahəsində 6, dövlət texniki nəzarəti xidməti sahəsində 13, bitki şorları və toxum nəzarəti üzrə xidmətlər sahəsində 14 xidmətlərin göstərilməsi nəzərdə tutulur.

Qeyd edək ki, fermerlər və sahibkarlar AXA–nın rəsmi internet səhifəsinə (https://www.axa.gov.az) həmçinin Dövlət Xidmətləri Portalına (https://www.dxr.az) daxil olmaqla ətraflı məlumat əldə edə bilərlər.