Aqrar Sığorta Fondunun nizamnamə kapitalı kəskin artırılıb

Nazirlər Kabineti Kənd Təsərrüfatı Nazirliyi yanında Aqrar Sığorta Fondunun nizamnaməsinə dəyişiklik edib.

“Report” xəbər verir ki, bununla bağlı Baş Nazir Əli Əsədov əmr imzalayıb.

Əmrə əsasən, Fondun nizamnamə kapitalı 9 dəfə artırılaraq 1 milyon manatdan 9 milyon manata çatdırılıb.

Maliyyə Nazirliyi artımı təmin etmək üçün bu ilin dövlət büdcəsindən 4 milyon manat vəsait ayırmalı, eləcə də Fondun xeyrinə 5 il müddətinə 4 milyon manat məbləğində sadə, faizsiz, şərtli veksel verməlidir. Fondun likvidlik riski olduqda, qurumun Himayəçilik Şurasının qərarı əsasında veksel üzrə müvafiq məbləğdə ödənişi həyata keçirilməlidir.