Naxçıvanda ümumi daxili məhsul istehsalı artıb

Bakı. 20 dekabr. REPORT.AZ/ 2018-ci ilin yanvar-noyabr aylarında Naxçıvan Muxtar Respublikasında 2 milyard 421 milyon 714 min 800 manatlıq ümumi daxili məhsul istehsal olunub.

Bu barədə "Report" Naxçıvan Muxtar Respublikası Dövlət Statistika Komitəsinə istinadən xəbər verir.

Bildirilir ki, bu da 2017-ci ilin müvafiq dövrü ilə müqayisədə 1,2 faiz çoxdur. Hər bir nəfərə düşən ümumi daxili məhsulun həcmi 2017-ci ilin müvafiq dövrü ilə müqayisədə 1,9 faiz artaraq 5330 manata çatıb.