Yuxarı

​Qazaxıstanlı politoloq: "Serj Sarqsyan siyasi baxımdan canlı meyitdir" - ŞƏRH

Ölkə daxilindəki real problemlərin həllindən insanları yayındırmaq üçün Sarqsyan Qarabağda gərginliyi artıra bilər

Bakı. 24 İyun. REPORT.AZ/ "Ermənistan prezidenti Serj Sarqsyan siyasi baxımdan canlı meyitdir və onun gedişi, çox güman ki, yaxın gələcəkdə reallaşa bilər".

Bunu "Report"a Yerevanda baş verən elektrik enerjisi tarifləri qiymətlərinin artımına qarşı etiraz aksiyalarına münasibət bildirərkən MDB üzrə ekspert, qazaxıstanlı politoloq Aydos Sarım deyib.

"Dünən nümayişçilərin zor tətbiq etməklə dağıdılmasından sonra, demək olar ki, onun siyasi manevr etmək üçün heç bir imkanı qalmayıb", - Qazaxıstanlı politoloq bildirib.

Nümayişçilərin öz məqsədlərinə nail olub-olmayacağı sualını cavablandıran A.Sarım hesab edir ki, hazırda əhalinin elektrik enerjisi ilə bağlı tələbləri səviyyəsində münaqişənin həllinə nail olmaq mümkündür. "Lakin, nə qədər ki, hakimiyyət susacaq və güc istifadə etməyə davam edəcək, etirazçıların tələblərinin başqa səmtə yönələrək, prezident və hökumətin istefaya getməsi kimi tələblərə çevriləcəyi ehtimalları böyükdür. Düşünürəm ki, ikincisi daha realdır".

Politoloq, həmçinin bu vəziyyətdə Ermənistanda yerləşən Rusiya qoşunlarının reaksiyasını da maraqlı hesab edir: "Düşünürəm ki, dünən Moskva və Ermənistan arasında telefon xətləri gərginlikdən az qala alışırdı".

A.Sarım hesab edir ki, Sarqsyan ictimaiyyətin diqqətini daxili problemlərdən yayındırmaq üçün müxtəlif tədbirlərə əl ata bilər: "O da təhlükəlidir ki, ölkə daxilindəki real problemlərin həllindən insanları yayındırmaq üçün, çıxılmaz vəziyyətə düşən Sarqsyan Qarabağda gərginliyi artıra bilər. Amma, bununla o, heç bir şeyə nail ola bilməyəcək. Hərbi məğlubiyyət və ya uzun sürən hərbi münaqişə daha çox təhlükəli olacaq".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi