Türk dünyası bir olsa, heç bir şey onları sarsıda bilməz.
Bunu "Report"a açıqlamasında İraqın "Türkmana yardım gəncləri" könüllü hərəkatının sədri İsmayıl Bəyoğlu martın 18-də Bakıda keçirilən “Türkman irsi: vətəndaş cəmiyyətlərinin həmrəyliyi” forumu çərçivəsində deyib.
Onun sözlərinə görə, Qarabağa səfər etmək qürurverici olsa da, dağıntıları görmək çox məyusedicidir:
"Biz işğaldan azad olunmuş ərazilərdə, Şuşada olduq. Ermənilərin həmin gözəl torpaqlarda törətdiyi vəhşiliyi, dağıntıları görəndə sarsıldım. Evlər, məktəblər dağıdılıb".
İ.Bəyoğlu Azərbaycanın bu sınaqdan da üzüağ çıxdığını vurğulayıb:
"Azad olunan ərazilərdə aparılan bərpa-yenidənqurma işlərinin necə sürətlə inkişaf etdiyini gördüm. Deməli, bu ölkə asanlıqla sarsılmaz".