Azərbaycan Prezidentinin iqlim məsələləri üzrə nümayəndəsi Muxtar Babayev Beynəlxalq Təbiəti Mühafizə Birliyinin (IUCN) baş direktoru Qretel Agilarla görüşüb.
"Report" xəbər verir ki, bu barədə o, "X" sosial şəbəkə hesabında yazıb.
Görüşdə biomüxtəlifliyin qorunması, ekosistemlərin bərpası, iqlim dayanıqlılığının artırılması və regional ekoloji təşəbbüslər üzrə əməkdaşlığın gücləndirilməsi imkanları, o cümlədən region üzrə birgə layihələr və tərəfdaşlıqlar müzakirə edilib.
Həmçinin iqlim və təbiətlə bağlı qarşılıqlı əlaqəli çağırışların həllində regional əməkdaşlığın getdikcə artan əhəmiyyəti barədə fikir mübadiləsi aparılb.