Bu ilin yanvar-mart aylarında xaricə səfər etmiş Gürcüstan vətəndaşlarının 2 %-i Azərbaycana gəlib.
“Report” bu barədə Gürcüstanın Milli Statistika İdarəsinə istinadən xəbər verir.
Məlumata görə, xaricə gedən gürcüstanlıların 38 %-i Türkiyəyə, 16,7 %-i Rusiyaya, 16,3 %-i Avropa İttifaqı ölkələrinə, 12,2 %-i Ermənistana, 14,8 %-i isə digər ölkələrə səfər edib.
Xaricə səfərlərin 97,9 %-i təkrar səfərlər olub.
Hesabat dövründə Gürcüstandan xaricə 521,6 min nəfər səfər edib ki, bu da illik müqayisədə 16,3 % çoxdur.