Bakı. 7 dekabr. REPORT.AZ/ “Azerbaijan Methanol Co.” MMC (“AzMeCo”) yenidən təşkil olunduğunu elan edib. Bu barədə “Report” Vergilər Nazirliyinə istinadən xəbər verir.
Məlumata görə, buna səbəb “Froil” və “Caspian Trade Company” MMC-lərin ona qoşulmasıdır. Kreditorlar tələblərini Bakı şəhəri, Nizami küçəsi, ev 50, mən. 17-18 ünvanında bildirə bilərlər.
Xatırladaq ki, “AzMeCo” “Azərbaycan Beynəlxalq Bankı” ASC-dən götürülmüş və vaxtı keçmiş kreditlərə görə, “Aqrarkredit” QSC bank olmayan kredit təşkilatının nəzarətindədir. Müəssisəni Azərbaycan Dövlət Neft Şirkətinin (SOCAR) əldə edəcəyi gözlənilir.