“İstanbuldakı “taxıl sazişi” ilə qlobal qida böhranının qarşısını aldıq”.
“Report” xəbər verir ki, bunu Türkiyə xarici işlər naziri Mövlud Çavuşoğlu deyib.
O bildirib ki, indi də BMT ilə birlikdə Rusiya gübrəsinin dünyaya çatdırılmasına çalışırlar: “Dünyadakı gübrə tədarükünün 70 faizini Rusiya ödəyir. Ona görə də bu, mühüm məsələdir”.
XİN başçısının sözlərinə görə, rəsmi Ankaranın BMT ilə ortaq işləri davam edir: “Belə durumda balanslı siyasət yeritmək asan deyil. Çünki təsirlər, təzyiqlər var”.