Qazax. 2 aprel. REPORT.AZ/ Bakı-Qazax-Gürcüstan yolunun Qazax şəhərindən keçən hissəsində 3 nəfərin xəsarət alması ilə nəticələnən yol qəzası baş verib.
"Report"un Qərb bürosunun məlumatına görə, hadisə səhər saatlarında VAZ" markalı avtomobillə "Mercedes"in toqquşması nəticəsində qeydə alınıb.
Avtoqəza zamanı 1982-ci il təvəllüdlü Qazax şəhər sakini Məmmədova Səbinə Ənvər qızı, Quliyev Rəşad Göycə oğlu (1993) və Məmmədov Ruslan Mahmud oğlu (1982) xəsarət alıb.
Hər üç yaralı xəstəxanaya yerləşdirilib.
Faktla bağlı araşdırma aparılır.