Bakıda iki obyekdə yanğın olub.
"Report" xəbər verir ki, bu barədə Fövqəladə Hallar Nazirliyi məlumat yayıb.
Belə ki, paytaxtın Nərimanov rayonunda ümumi sahəsi 480 m² (hər birinin sahəsi 48 m²) olan 10 boksdan ibarət avtomobil təmiri sexinin 1 boksunun yanar konstruksiyaları, digər boksunun yanar konstruksiyaları 30 m² sahədə və içərisində təmirə dayanan “Chevrolet” markalı minik avtomobilinin yanar hissələri yanıb. Sexin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb;
Daha bir anoloji hadisə Bakı şəhərinin Nizami rayonunda ümumi sahəsi 300 m² olan meyvə şirəsi istehsalı sexində qeydə alınıb. Belə ki, sexin ərazisində sahəsi 20 m² olan taxta konstruksiyadan ibarət köməkçi tikili və 10 m² sahədə məişət tullantıları yanıb. Sex yanğından mühafizə olunub. Yanğın yanğından mühafizə bölmələri tərəfindən söndürülüb.