Bakı. 22 Fevral. REPORT.AZ/ Bakı Şəhər Dövlət Yol Polisi İdarəsinin şəxsi heyəti qarlı, yağmurlu və qeyri-sabit hava şəraiti ilə əlaqədar gücləndirilmiş iş rejimində işləyir.
"Report"un AzərTAc-a istinadla verdiyi xəbərə görə, idarənin bölmə rəisi, polis polkovniki Vaqif Əsədov bildirib ki, enişli-yoxuşlu yollar, sərt döngələr nəzarətə götürülüb. Şəxsi heyət ərazi üzrə yollarda tənzimləmə işləri aparır. Əhalidən və avtomobil sahiblərindən xahiş olunur ki, şəxsi maşınla yola çıxmasınlar, ictimai nəqliyyatdan istifadə etsinlər.