Bakı. 27 fevral. REPORT.AZ/ Bakı Dairəvi-1 yolunda maşının vuraraq öldürdüyü qadının şəxsiyyəti məlum olub.
“Report” xəbər verir ki, bu, 1974-cü il təvəllüdlü Əliyeva Rənuziyə Xıdır qızıdır.
Hadisəni minik avtomobili törədib. Sürücü Yasamal Rayon Polis İdarəsinin əməkdaşları tərəfindən saxlanılıb.
***21:21
Bakı. 27 fevral. REPORT.AZ/ Bakı Dairəvi-1 avtomobil yolunda piyadanın ölümü ilə nəticələnən yol-nəqliyyat hadisəsi baş verib.
"Report"un xəbərinə görə, təxminən 40-45 yaşlı qadın yolun Yasamal rayonu ərazisinə düşən hissəsində naməlum markalı avtomobil tərəfindən vurulub.
Yaralı hadisə yerində keçinib.
Faktla bağlı Yasamal Rayon Polis İdarəsində araşdırma aparılır.