Abşeron rayonunda xəsarətlə nəticələnən yol-nəqliyyat hadisəsi baş verib.
"Report"un məlumatına görə, hadisə Masazır qəsəbəsində qeydə alınıb.
Avtomobil hərəkətdə olarkən motosikletlə toqquşub. Hadisə zamanı motosikletin sürücüsü 1998-ci il təvəllüdlü Atayev Məhəmməd Tahir oğlu bədən xəsarətləri alıb.
Yaralı təcili yardımın köməkliyi ilə xəstəxanaya çatdırılıb, müayinə zamanı ona sağ mil sümüyünün sınığı diaqnozu qoyulub.
Faktla bağlı araşdırma aparılır.