III MDB Oyunlarında badminton yarışlarına start verilib.
"Report"un Qəbələyə ezam olunan əməkdaşının məlumatına görə, A və B qruplarında 6 görüş baş tutub.
Qarışıq qoşa komanda yarışında Azərbaycan təmsilçilərindən 1-i qələbə qazanıb, 3-ü məğlubiyyətlə üzləşib. A qrupunda Azərbaycan yığması Tacikistana qalib gəlib (5:0), Özbəkistana isə məğlub olub - 2:3.
B qrupunda isə Azərbaycan təmsilçiləri Qazaxıstan və Rusiyaya məğlub olublar - 0:5.
Qeyd edək ki, badminton yarışlarına oktyabrın 5-də yekun vurulacaq.