"Hazırda Azərbaycan çaylarının sululuğunun 15-20 %-ə qədər azalması müşahidə olunur".
"Report" xəbər verir ki, bunu "Sağlam həyata doğru" İctimai Birliyinin üzvü, su məsələləri üzrə ekspert Rövşən Abbasov deyib.
Onun sözlərinə görə, son 30-40 il ərzində temperaturun yüksəlişi qeydə alınır və bu da çaylarda sululuğun azalmasına gətirib çıxarır.
R.Abbasov bildirib ki, Azərbaycan təbii baxımdan quraq ölkə olduğuna görə, adambaşına düşən suyun miqdarı da azdır.