Fransa əhalisinin 80 %-i hazırkı baş nazir Fransua Bayrudan narazıdır və bu, 1958-ci ildən bəri bütün hökumət başçıları arasında rekord göstəricidir.
“Report” xəbər verir ki, bunu Fransa İctimai Rəy İnstitutunun (Ifop) saytında dərc edilmiş sorğunun nəticələri göstərir.
Respondentlərin yalnız 20 %-i onun fəaliyyətindən razıdır.
Qeyd olunur ki, siyasətçi ölkə əhalisi arasında fəaliyyətsizliklə assosiasiya olunur və nüfuzlu Notre-Dame-de-Bettaram katolik məktəbində şagirdlərə qarşı cinsi zorakılığın gizlədilməsi ilə bağlı qalmaqalın mərkəzində yer alır.
Sorğu 18-26 iyun tarixlərində 18 yaşdan yuxarı 2000 fransız arasında onlayn qaydada keçirilib. Xəta payı 1-2,2 faiz bəndidir.