Peru məhkəməsi üsyan təşkil etməkdə ittiham olunan eks-prezident Pedro Kastilonun həbs müddətini 2025-ci ilin avqustun 6-dək qədər uzadıb.
“Report”un xəbərinə görə, bu barədə məhkəmənin X sosial şəbəkəsində yaydığı məlumatda deyilir.
Məhkəmə hesab edib ki, onun barəsində mövcud olan iş baxılma mərhələsindədir.
Qeyd edək ki, prokurorlar eks-prezidenti qiyam, vəzifə səlahiyyətlərindən sui-istifadə və ictimai asayişi ciddi şəkildə pozmaqda ittiham edərək barəsində 34 il həbs cəzası istəyiblər.