Fransanın paytaxtı Parisdə pensiya islahatına qarşı keçirilən nümayişdə etirazçılarla polis arasında toqquşma baş verib, polis gözyaşardıcı qazdan istifadə edib.
Bu barədə “Report” TASS-a istinadən xəbər verir.
Bildirilib ki, bir neçə avtobus dayanacağının və bankın şüşələri sındırılıb.
Qeyd edilib ki, hələ nümayiş başlamamışdan əvvəl polislər 2 740 yoxlama aparıb və bir neçə nəfəri saxlayıb. BFM telekanalı isə 22 nəfərin saxlanıldığı barədə məlumat yayıb.