Hindistanda ildırım vurması nəticəsində 12 nəfər ölüb.
“Report” xarici mətbuata istinadən xəbər verir ki, hadisə Odişa ştatının mərkəzi Bhubanesvarda qeydə alınıb.
Hadisə zamanı həmçinin onlarla insan yaralanıb. Bununla yanaşı, 8 iribuynuzlu mal-qara tələf olub.
Hindistan Meteorologiya Xidməti vətəndaşları xəbərdar edərək, qeyri-sabit havanın sentyabrın 7-ə qədər davam edəcəyini bildirib.
Leysan səbəbindən 7 bölgədə "narıncı", digər bölgələrdə isə "sarı" həyəcan siqnalı verilib.