Konstitusiyanın qəbulunun 30-cü ildönümündə Azərbaycanın beynəlxalq müstəvidə açıq məsələsi qalmayıb.
“Report” xəbər verir ki, bunu maliyyə nazirinin birinci müavini Anar Kərimov “Konstitusiya - dövlətimizin müstəqilliyinin, suverenliyinin və ərazi bütövlüyünün qorunmasında mühüm hüquqi bazadır” mövzusunda Bakı Dövlət Universitetində (BDU) keçirilən beynəlxalq konfransda deyib.
O qeyd edib ki, Azərbaycan Konstitusiyası ötən 30 il ərzində çoxlu çağırışlardan keçib və cəmiyyətin daha da inkişaf etməsinə imkan yaradıb:
“Ancaq biz 30 il geriyə baxdıqda sadəcə, konstitusional inkişaf yox, bütün sahələrdə tərəqqi görürük. Konstitusiyada sosial-iqtisadi hüquqların əsası təsbit olunub. Azərbaycan bu istiqamətdə çox vacib beynəlxalq müqavilələrə, konvensiyalara qoşulub. Son dövrlərdə bu istiqamətdə aktivlik daha da artıb”.