2023-cü ildə Azərbaycan 546 min ABŞ dolları dəyərində 125 min dekalitr mineral su ixrac edib.
“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 6 %, kəmiyyət olaraq – 19 % çoxdur.
Hesabat dövründə Azərbaycan Rusiyaya 356 min ABŞ dolları dəyərində (bir il əvvəlki göstəricidən 16 % çoxdur) 59 min dekalitr (+5 %), Türkiyəyə 54 min ABŞ dolları dəyərində (+2 %) 30 min dekalitr (+2 dəfə), İraqa 37,9 min ABŞ dolları dəyərində 7,9 min dekalitr (bir il əvvəl tədarük olmayıb), Ukraynaya 18,5 min ABŞ dolları dəyərində (+19 %) 7,7 min dekalitr (+18 %), Litvaya 16,3 min ABŞ dolları dəyərində (+45 %) 5,7 min dekalitr (+55,3 %) məhsul satıb.
Ötən il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Avstraliyaya (13,7 min ABŞ dolları dəyərində 1,3 min dekalitr) və İrlandiyaya (0,02 min ABŞ dolları dəyərində 0,01 min dekalitr) tədarük həyata keçirilib.