Elmar Məmmədyarov: "Azərbaycanda söz azadlığı mövcuddur"

Bakı. 30 iyun. REPORT.AZ/ "Azərbaycanda söz azadlığı mövcuddur və jurnalistlər fəaliyyətlərinə görə həbs olunmurlar".

"Report" xəbər verir ki, bunu Azərbaycan xarici işlər naziri Elmar Məmmədyarov ATƏT-in fəaliyyətdə olan sədri, Almaniya xarici işlər naziri Frank-Valter Ştaynmayerlə birgə keçirdiyi mətbuat konfransında Azərbaycanda əsas azadlıqların və söz azadlığının vəziyyətini şərh edərkən deyib.

"Şəxsən mən, XİN rəhbəri kimi, hər gün mətbuat azadlığının şahidi oluram. Hərçənd bəzi jurnalistlər bəzən etik qaydalara riayət etmirlər", - deyə nazir bildirib.