​Türkiyənin bir sıra iri şəhərlərinə qar yağıb

Bakı. 9 aprel. REPORT.AZ/ Türkiyənin İstanbul, Kocaeli, Sakarya və Yalova şəhərlərinə qar yağıb.

"Report" CNNTürk-ə istinadən xəbər verir ki, bu haqda Meteoroloji Baş İdarəsi açıqlama yayıb.

İdarənin məlumatına görə, bu gündən yağmağa başlayan qar aprelin 10-u gecə saatlarınadək davam edəcək: "Qar güclü şimal-şərq fırtınası ilə müşayiət olunacaq".

Qurum fırtına və davamlı yağıntılarla bağlı əhalini diqqətli olmağa çağırıb.

Ötən gecə Türkiyənin başqa şəhərələrinə də güclü qar yağıb. Bəzi şəhərlərdə avtomobil yolları buz bağlayıb.