Bakı. 17 mart. REPORT.AZ/ Ankarada törədilən terrorun məsuliyyətini terrorçu PKK-ya yaxın qrup üzərinə götürüb.
"Report" xəbər verir ki, bu haqda "Reuters" məlumat yayıb.
Məlumata görə, bu terrorçu qruplaşmanın adı "TAK"dır ("Kürdüstan Azadlıq Şahinləri").
Fevralın 17-də Ankarada törədilən terrorun məsiliyyətini də bu qruplaşma öz üzərinə götürmüşdü.
Qeyd edək ki, terrorçu PKK-nın Suriyadakı qolları "PYD" və "YPG" də bu qruplaşmanın qolları sayılır.
Xatırladaq ki, martın 13-də Türkiyənin paytaxtı Ankarada törədilən terror nəticəsində 35 nəfər həyatını itirib, 122 nəfər isə yaralanıb. Terroru törədən hər iki terrorçu da hadisə yerində məhv olub.