Ankarada atəş açan polis məmuru imiş - YENİLƏNİB

Bakı. 18 mart. REPORT.AZ/ Türkiyənin paytaxtı Ankarada yerli Təhlükəsizlik İdarəsinin Asayiş şöbəsinin A.Y. adlı polisi məmuru həmkarları qadın polis N.T.B. və onun yanındakı Ş.D. adlı şəxsə atəş açaraq, öldürüb.

"Report" xəbər verir ki, bu haqda Türkiyə KİV-i məlumat yayıb.

Məlumata görə, A.Y. təslim olub.

*** 13:00

Bakı. 18 mart. REPORT.AZ/ Türkiyənin paytaxtı Ankarada atışma nəticəsində iki nəfər güllələnib.

"Report" xəbər verir ki, bu haqda Türkiyə KİV-i məlumat yayıb.

Məlumata görə, hadisə şəhərin Çankaya rayonunun Dikmen küçəsində baş verib. Yaralılardan birinin polis olduğu bildirilib.

Hadisə yerinə çoxlu sayda polis cəlb edilib.