Ərdoğan: "Gülənlə bağlı sənədlər ABŞ-a qiyamdan əvvəl verilib"

Bakı. 4 sentyabr. REPORT.AZ/ FETÖ terror təşkilatının lideri Fətullah Gülənlə bağlı sənədlər Birləşmiş Ştatlar tərəfinə Türkiyədə baş verən məlum qiyamdan əvvəl təqdim edilib.

"Report" "Anadolu"ya istinadən xəbər verir ki, bunu Türkiyə prezidenti Rəcəb Tayyib Ərdoğan amerikalı həmkarı Barak Obama ilə görüşündən sonra bildirib.

"Bu terrorçu ilə bağlı sənədlər çevriliş cəhdindən əvvəl ABŞ-a göndərilib. İyulun 15-də qiyamın yatarılmasından sonra hazırlanan sənədlər yenidən ABŞ-dan gələn nümayəndə heyətinə təqdim ediləcək. Hazırda onlar da bu məsələ üzərində işləyirlər. ABŞ-ın Ədliyyə Nazirliyinin nümayəndə heyəti Türkiyəyə səfərə gəlib. Biz də öz Ədliyyə Nazirliyimizin nümayəndələrini ABŞ-a göndərəcəyik. ABŞ-a, həmçinin ədliyyə və daxili işlər nazirləri də gedəcəklər və bu məsələ üzərində birgə işləyəcəklər", - deyə o əlavə edib.