Sabirabadda ev yanıb

Bakı. 11 iyul. REPORT.AZ/ Sabirabad rayonunun Nərimankənd kəndində yanğın hadisəsi baş verib.

“Report” Fövqəladə Hallar Nazirliyinin (FHN) rəsmi saytına istinadən xəbər verir ki, rayon mərkəzindən 15 km aralıda yerləşən bu kənddə ümumi sahəsi 160 kv.m olan birmərtəbəli 3 otaq və aynabənddən ibarət evin bir otağının tavanı qismən yanıb.

Evin qalan hissəsi yanğından mühafizə olunub. Yanğın saat 23:10-da yanğınsöndürənlər tərəfindən söndürülüb.