Bakı. 12 may. REPORT.AZ/ Qoşunların təmas xəttində Ermənistanın hücumunu dəf edərkən şəhid olan pilot mayor Təbriz Musazadənin qırx mərasimi keçirilir.
“Report”un xəbərinə görə, mərasimdə Azərbaycan Hərbi Hava Qüvvələrinin (HHQ) komandanı general-mayor Ramiz Tahirov, Türkiyə hərbi atteşeliyinin nümayəndəsi, Xətai Rayon İcra Hakimiyyətinin başçısı Razim Məmmədov, ictimaiyyət nümayəndələri, sadə vətəndaşlar iştirak edir.
HHQ komandanı general-mayor Ramiz Tahirov “Azərbaycan bayrağı” ordenini şəhidin atası Taryel Musazadəyə təqdim edib.
Xatırladaq ki, şəhid Təbriz Musazadə ikinci Fəxri xiyabanda dəfn edilib.