Bakı. 30 yanvar. REPORT.AZ/ Xəzərin Türkmənistan sahillərində meyit tapılıb.
"Report" Azərbaycanın Fövqəladə Hallar Nazirliyinin rəsmi saytına istinadən xəbər verir ki, tapılan meyitin Azərbaycanın “Günəşli” yatağındakı 10-cu özüldə baş vermiş qəza nəticəsində itkin düşənlərdən biri olduğu ehtimal edilir.
Bununla əlaqədar, FHN “BE-200ÇS” amfibiya tipli təyyarəsinin istintaq qrupu və “Azneft” İstehsalat Birliyinin işçiləri ilə birlikdə cəsədin tanınması və Azərbaycana gətirilməsi məqsədilə Türkmənistana göndərilməsi üçün hazırlıq işlərinə başlanılıb.