“Baku Steel Company”nin anbarına maskalı silahlı şəxs basqın edib

Bakı. 30 oktyabr. REPORT.AZ/ Bakının Nərimanov rayonunda yerləşən “Baku Steel Company” MMC-nin anbarına maskalı silahlı şəxs tərəfindən basqın olub. “Report”un xəbərinə görə, gecə saatlarında anbara daxil olan şəxs silahla gözətçi polis serjantı Ceyhun Hüseynova hədə-qorxu gələrək anbarın açarlarını tələb edib.

Səs-küy yarandığından həmin maskalı şəxs havaya bir neçə dəfə atəş açaraq oradan uzaqlaşıb.

Faktla bağlı rayon polis idarəsi və rayon prokurorluğunda araşdırma aparılır.