Bakı. 1 aprel. REPORT.AZ/ Portuqaliyanın "Portu" klubunun və Braziliya yığmasının futbolçusu Danilo İspaniya "Real Madrid"i ilə müqavilə bağlayıb. "Report"un Madrid klubunun rəsmi saytına istinadən verdiyi məlumata görə, braziliyalı müdafiəçinin anlaşması 2021-ci ilədək qüvvədə olacaq.
Onun illik əmək haqqı 2 milyon avro təşkil edəcək. "Portu"ya isə bu transfer qarşılığında 31,5 milyon avro ödəniləcək.
Qeyd edək ki, Danilo iyunun 30-dan "Real Madrid"in oyunçusu olacaq.