Azərbaycanda müqəddəs Ramazan ayının başlama və bitmə təqvimi açıqlanıb

Bakı. 4 iyun. REPORT.AZ/ Azərbaycanda müqəddəs Ramazan ayının başlama və bitmə tarixi açıqlanıb. “Report” xəbər verir ki, Qafqaz Müsəlmanları İdarəsinin Qazılar Şurası və Elmi-Dini Şurasının iyunun 3-də keçirilən birgə iclasında bununla bağlı fətva verilib. 

Qafqaz Müsəlmanları İdarəsinin sədri Şeyxülislam Allahşükür Paşazadə bildirib ki, builki hesablamalara əsasən, Ramazan ayının 1-i miladi təqvimlə iyunun 18-ə təsadüf edir. Eydül-Fitr – Ramazan bayramı isə Şəvval ayının 1-i - iyul ayının 18-ə düşür və həmin gün bayram namazı qılınacaq.