Bakı. 17 aprel. REPORT.AZ/ Hollandiya ekspertləri Malaziyaya məxsus "Boeing" təyyarəsinin Ukrayna ərazisində qəzaya uğradığı yerdə yeni qalıqlar aşkar ediblər.
"Report" xəbər verir ki, bu barədə Niderland hakimiyyətinin saytında məlumat verilib.
Axtarış komissiyasının rəhbəri Piter Yaap Albersberq bildirib ki, ekspertlər yanmış insan qalıqları tapıblar. O, həmçinin xəbər verib ki, yerli sakinlər qəza yerinə hadisə nəticəsində həlak olanların zinət və digər əşyalarını gətiriblər.
Məlumata görə, hadisə yerində 20 nəfər axtarış işləri ilə məşğul olur.