Bakı. 30 mart. REPORT.AZ/ ABŞ-da Respublikaçılar partiyasından prezidentliyə namizəd olmağa çalışan milyarder Donald Tramp verdiyi sözü tutmayacaq.
"Report" ABŞ KİV-inə istinadən xəbər verir ki, seçkilərdən əvvəl Respublikaçı namizədlərin hamısı ilkin seçimlərdə (praymerizdə) qalib olanı dəstəkləyəcəklərinə söz versə də, D.Tramp artıq başqa fikirdədir.
Jurnalistlərin vədinə əməl edib-etməyəcəyiylə bağlı sualına milyarder "xeyr, artıq xeyr" deməklə cavab verib.
Maraqlıdır ki, hazırda Respublikaçılar Partiyasından ABŞ prezidentliyinə namizəd olmaq mübarizəsində elə Trampın özü inamla liderlik edir.