Suriyada törədilən iki terror aktı nəticəsində 9 nəfər həlak olub, 16 nəfər yaralanıb

Bakı. 11 iyun. REPORT.AZ/ Bu gün Suriyanın paytaxtı Dəməşq şəhərinin cənubundakı Seyid Zeynəb rayonunda iki terror aktı baş verib. 

"Report" "RİA Novosti"yə istinadən xəbər verir ki, terror aktları nəticəsində ən azı 9 nəfər həlak olub, 16 nəfər xəsarət alıb.

Partlayışlardan birini terrorçu-kamikadze şəhərin girişində törədib, ikinci hadisə zamanı minalanmış avtomobil partladılıb. 

Terror aktına görə, məsuliyyəti hələlik heç bir qruplaşma öz üzərinə götürməyib.