​İtaliya XİN başçısı: "İraqda İŞİD-in nəzarətində olan ərazilərin 40 faizi təmizlənib"

Bakı. 2 fevral. REPORT.AZ/ "Terrorçuluğa qarşı mübarizə beynəlxalq koalisiyası 2015-ci ildə terrorçu İŞİD qruplaşmasının İraqda ələ keçirdiyi ərazilərin 40 faizini, Suriyada isə 20 faizini geri alıb".

"Report" xəbər verir ki, bunu İtaliyanın xarici işlər naziri Paolo Centiloni yerli "İl Messaggero" qəzetinə müsahibəsində bildirib.

Onun sözlərinə görə, terrorçuların nəzarəti altında olan Rakka (Suriya) şəhəri ilə Mosul (İraq) arasında əlaqə xətləri demək olar ki, kəsilib.

"Belə bir risk mövcuddur: İŞİD İraq və Suriyada məğlub olarsa, o zaman Liviyada yerləşər. Biz bu riskə diqqət yetirməliyik", - italyan nazir vurğulayıb.