Bakı. 31 yanvar. REPORT.AZ/ "İslam dövləti" qruplaşmasının yaraqlıları İraqın şimalında Kərkük şəhərinin yaxınlığında neft hasilatı və emalı üzrə mərkəzini ələ keçiriblər. "Report" "Reuters"ə istinadən xəbər verir ki, mərkəzin 15 işçisi itgin düşüb.
"Bizə bir işçi zəng vurub və bildirib ki, mərkəzi onlarla döyüşçü əhatə edib və işçilərdən oranı tərk etməyi xahiş ediblər. Sonradan əlaqə kəsilib və indi bu işçilər əsir götürülə bilər", - North Oil Co. şirkətinin mühəndisi bildirib.
"İslam dövləti" qruplaşmasının yaraqlıları cümə günü Kərkükən cənub-qərbə hücum edərək, Həbbaz yatağının bir hissəsi də daxil olmaqla bir sıra rayonları ələ keçiriblər.