Bakı. 8 aprel. REPORT.AZ/ ABŞ dövlət katibi Con Kerri bu gün İraqa əvvəlcədən elan edilməmiş səfər edib. O, adıçəkilən ölkə rəhbərliyi ilə İŞİD-ə qarşı mübarizə məsələsini müzakirə edəcək.
"Report" AFP-yə istinadən xəbər verir ki, bu barədə ABŞ Dövlət Departamentinin rəsmi nümayəndəsi Con Kirbi məlumat verib.
C.Kerri səfər çərçivəsində İraqın baş naziri Hayder əl-Abadi, xarici işlər naziri İbrahim əl-Cəfəri və İraqın şimalındakı regional hökumətin rəhbəri Neçirvan Bərzani ilə görüşəcək.